दुख्यामा (बघेली)

आसौं के साल

बड़ा दुःख पायन,

कइसो मइसो बीज लहायन,

जोत बोय के फसल उगायन,

एतनेन मा जब परगा झूरा…

करम मा परगा करजा कूरा l

झुरान फसल का कूट काट के,

लड़िकन  काहीं दीन खबायन,

जर बोखार मा जिउ चोकरा है,

बैदन काहीं नहीं देखायन l

पइसा कौडी नही आय दादू,

एहिन से तुम्हरे घर आयन,

करजा नही पटा पहिलेन के,

लाजन नयन बचायन l

परा उपास पुतहिता मरगय,

सूजी जक्सन खुब लगबायन,

हमहू मरिथे जिउ के मारे,

जाड़े मा ओढ़नन के किल्लत,

खूब दिख्यन मजबूरी लाला,

दइउ न डारे एतना जिल्लत l

सालन होइगा दांय का हांके,

झूरा माही कुछू न खायन,

ई बेरी जो जी गयन दादू,

समझा सलगी दुनिया पायन .l